丹麥嘅售賣過期食品嘅舖頭,大排長龍。
丹麥嘅售賣過期食品嘅舖頭,大排長龍。

話說,丹麥嘅哥本哈根,開咗一間專賣過期食物嘅商店,全部食物比市價平一半,結果大排長龍,成為當地新聞頭條。而去年,英國嘅Approved Food商店,專賣所謂嘅過期食物,亦其門如市,每年生意額高達幾百萬英鎊!

我哋一睇到食物過期,就要即刻丟落垃圾桶,點解啲外國人唔怕呢?

首先要知道,喺香港出售嘅預先包裝食物,一定要有「此日期前食用」(use by) 或「此日期前最佳」(best before)嘅標籤:

  1. 「此日期前食用」(use by):主要針對鮮奶、三文治等極易變壞嘅食物。呢啲食物如果過咗期限,就會滋生細菌,人食咗會影響健康!
  2. 「此日期前最佳」(best before):食物過咗呢個限期,會影響味道質素。其實日本、台灣用嘅「賞味限期」就係指呢種類型。按字面睇,佢哋嘅講法仲貼合實際情況。
日本、台灣叫「賞味限期」
日本、台灣叫「賞味限期」

早兩年,香港環保團體地球之友,做過大型研究,將81款過咗7年「此日期前最佳」嘅食物拎去化驗,發現所有食物都對人體無害!

而歐盟等西方國家,亦開始檢討呢個標籤制度,放寬一啲唔易變壞嘅食物嘅標籤限制。呢啲食物包括茶葉、米、咖啡、意粉等,以減少食物浪費。

英國嘅Approved Food成為當地大生意。
英國嘅Approved Food成為當地大生意。

食物有無變壞,當然唔係淨係睇個期限,仲要睇埋食物嘅顏色、氣味,以及味道。記住,有少少變壞跡象都唔好搏呀!

更多:
Fitz.hk Facebook專頁
跑步一定要配香蕉吃? 誤會大了,「這樣吃」,才是補鉀的好選擇!
到底是要先運動,還是要先吃早餐呢?
Fitz Fitness 健身

Advertisements