[人心惶惶] 蚊滋仔一咬十幾啖 1最近露營友、行山友都發現郊外地方,會出現好多我哋俗稱為「蚊滋仔」的黑色小昆蟲,不知不覺會被佢哋咬到成身痕。原來呢啲並唔係一般嘅蚊。呢啲,係一種叫蠓嘅昆蟲,已為禍台灣幾年。

台灣政府及學界,就曾經對呢啲台灣叫「小黑蚊」嘅昆蟲進行大量研究。佢哋發現:

  1. 蠓只係吸食人血!唔會追其他動物。
  2. 以守株待兔嘅方式捕獵。無人嘅時候會匿喺草堆、樹林、泥土,有人行過,聞到人類氣息,就會空群而出,集體叮咬人類。
  3. 所以人一被追踪,被叮咬嘅地方一定唔只一點,而係以10計!部份小朋友就會因為咁,而引起過敏反應。
  4. 佢哋居於泥地、樹林、草地之中,所以郊野、公園會最多。
  5. 每日早上10點至下晝3點為最活躍時間。
被佢哋一追到,至少被咬十幾嘢!
被佢哋一追到,至少被咬十幾嘢!

台灣政府就呼籲,就算你唔怕痕,都要做好措施去避免被蠓咬。因為人血係佢哋主要食糧,唔畀佢哋咬,就可以減少佢哋嘅繁殖速度。

至於點樣可以防避佢哋,台灣人就用呢啲方法:

  1. 屋內裝設窗紗及蚊帳
  2. 身體盡量以衣物覆蓋。國立臺灣大學嘅研究話,網襪加絲襪可成功避開叮咬。
  3. 保持生活環境乾燥,泥土舖上沙石。
  4. 戶外活動要噴含有DEET嘅驅蚊水。
  5. 至於香港最多人用嘅驅蚊手帶、防蚊貼有無用?台灣方面就無講,不過香港露營友就話作用係0!

    要睇清楚驅蚊劑嘅成份先好買
    要睇清楚驅蚊劑嘅成份先好買

蚊滋仔雖然可怕,不過做足預防措施,亦唔會減少戶外活動嘅樂趣!

資料來源:國立臺灣大學苗栗縣政府

更多:
Fitz.hk Facebook專頁
[由街市出發] BBQ揀場攻略
[唔行無得食] 8大隱世豆腐花
10種最令人討厭的露營行為
Fitz 生活 Life

Advertisements
分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。