老老實實,睇人順唔順眼好見仁見智,所謂各花入各眼,不過如果閣下有眼花眼痛「un」眼唔舒服就真係要攪攪佢架啦!

絲竹空

又名目髎,月髎。不過筆者都係通常用絲竹空呢個名,因為聽落夠架勢堂,哈!

點解叫絲竹空?

「絲竹」,有細竹的意思,多用來形容眉毛;「空」指孔穴。呢個穴在眉尾旁邊,局部有個淺表凹陷,所以叫絲竹空。

開心大發現!

絲竹空除左可以醫眼痛,仲可以醫埋牙痛,一穴兩用,掂!
筆者認為,絲竹空屬於三焦經,呢條經循行係經過耳後腮位下頷角附近,對牙痛多少都有治療的作用。


攢竹

又名小竹,始光,眉頭。

點解叫攢竹?

眉如竹葉,呢個穴喺眉頭凹陷位,係陽氣攢聚集合的地方,猶如新竹,故名攢竹。

治療方面,相對於絲竹空,攢竹係以升清解表為主;當治療眉棱骨疼痛,可取攢竹穴向眉尾方向透刺可以有更好的療效。

絲竹空 攢竹
位置 在面部,眉尾眉梢凹陷處 在面部,眉頭凹陷處,眶上切迹處
所屬經絡 三焦經 膀胱經
備註 除了可治目痛,亦可治牙痛 眉棱骨疼痛,攢竹向魚腰穴透刺更佳
功效 疏調三焦氣機,清熱泄火,平肝息風,明目止痛 疏調膀胱經氣,袪風散邪,清熱明目,通絡止痛
主治 目赤腫痛
眉棱骨疼痛

米奇醫師為執業女中醫師

原文載於 澤聲中醫


更多:
Fitz Facebook專頁
[米奇中醫堂] 穴來穴對: 痔瘡肛門腫痛真尷尬 針灸小腿穴位攪得掂 (委中與承山)
[米奇中醫堂] 穴來穴對: 俾人激親條氣唔順,點算? (疏肝調和 支溝與陽陵泉)
[米奇中醫堂] 穴來穴對: 每人身上總會有兩個「Cool池」(袪風止癢 曲池與血海)
[米奇中醫堂] 穴來穴對: 人體穴位有咁多,點先記得晒? (醒腦開竅人中與合谷)
米奇醫師@Fitz.hk
Fitz Life 生活

廣告
米奇醫師
一開始踏足社會,就是在香港大學聲線研究所學習何謂「研究精神」。若干年後,膽粗粗帶著此精神在澄明堂私人執業,每天憑著這團火繼續燃燒僅餘青春,慶幸成為熱愛工作的幸運兒。