差唔多每個單車友都話要環台,不過大家除咗要練氣練腳力之外,仲要搞一輪資料搜集。既要搵住宿,又要搵路線,有啲認真嘅朋友,更加要搵部補給車沿路跟住。

台灣傳媒就報道,話全長939.5公里嘅環台單車徑,將會喺今年年底通車。到時除咗大家可以安安全全踩車環遊台灣一圈外,亦唔使擔心補給問題。因為佢每隔20公里設一補給站,有商店、飲水機、加氣站等,而單車徑亦會穿過各地嘅名勝,又有完備嘅路線指示,保證唔會迷路咁話。

報道亦話,呢條叫「環島1號線」嘅單車徑,會經過各個主要車站,方便大家揀幾段嚟踩。到時,去台灣出巡嘅朋友,大可安排一日半日喺台灣踩番轉。

環台單車徑2
按:民國104年,即公元2015年

資料:台灣聯合報

更多:
單車旅行心得「膠」流
踏單車去大阪逛街
Fitz Cycling 單車