過去呢間健身中心係由成龍代言
過去呢間健身中心係由成龍代言

消委會高調「嚴重譴責」健身集團California Fitness,話對佢哋嘅投訴每年上升3成,舊年仲佔咗消委會健身室嘅投訴超過一半!

而California Fitness嘅投訴,可以歸納成為7大下流銷售手法:

  1. 喺街上以抽獎試玩吸客。有人受騙上到去,就會被人輪流hard sell,唔畀錢唔畀走。最長試過煩足人3個鐘。
  2. 以登記資料為藉口,扣押市民身份證或信用卡,唔簽約無得攞返。
  3. 以核實賬戶為藉口,要試玩市民輸入銀行卡密碼。最後職員喺未經客人同意下過數。
  4. 誤導新客戶要冷靜期及分期付款,但前者根本唔存在,後者要客人自己申請。
  5. 對舊有用戶推銷昂貴課程,但收費胡裡胡塗,用戶之間差異極大。
  6. 向舊客推銷私人教練課程,但使用時間極短。客人上唔晒咁多堂,課程過期失效。
  7. 以舊合約要續期為理由,要求客戶簽新約。不過簽咗新約後,舊合約根本無續過。
圖:消委會網頁
圖:消委會網頁

消委會《健身中心不良營銷實錄》短片:

消委會教市民,記住呢4個應付方法:


[健身室有伏] 7大下流手法 2
圖:消委會網頁
事實上,早兩日海關已經拘捕咗California Fitness兩名職員,原因係佢哋涉及不良銷售手法。而過往,亦不時聽到有無辜市民喺健身室中伏。(見《無良健身中心中伏血淚史》)

有心水清網民,對於私人健身室有咁多伏,就覺得個責任其實喺政府到:

「康文署嘅健身室又少,又要報讀完嗰啲健身課程先畀book場。不過啲課室幾個月先有一班,一班只得十幾個位。市民想幫襯政府都唔得啦。」

真係想健身,不妨試下逢星期二、四,夜晚7點同我哋一齊Tabata Workout!

資料來源:消委會

更多:
Fitz.hk Facebook 專頁
無良健身中心中伏血淚史
寫給女生看的男『尖』Room風光 (一)
Fitz健身文章

Advertisements
分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。