真的不能相信以往既有潔癖、又怕身水身汗嘅我,竟然越來越喜歡與大自然接觸!

參加過兩次山賽後,覺得自己對行山、跑山嘅能力仍然很低,所以當友人發起行山活動時,亦即時報名同行,希望可以藉此令自己在這方面可以有所進步

友人之前已提及過是次路線:吊手岩~牛押山~馬鞍山~大金鐘~昂坪~西貢,預計六小時完成;對於我這個行山初級班來講,根本完全吾知道是什麼一回事!

[一山還有一山高] 絕不要輕易放棄 1起步時都只係一般上斜,心諗:上斜無問題啦,仲要係石屎路,慢慢行就可以了!


[一山還有一山高] 絕不要輕易放棄 2
起步初段下了一點雨,不過好快又放晴,原來過了這段梯級又係另一個境界……
行了大概2km,其中一隊員身體不適,決定自行回程,而此時正正係我沒有想像過嘅情況出現了……友人之前溫馨提示要帶手套,心想一定係有好多樹,他一定係怕我地女士們玉手受損,所以提醒我們要有準備!而事實這次我們不只行山,係爬山![一山還有一山高] 絕不要輕易放棄 16

見到友人很快已到達第一個山頂,自己唯有默默繼續,㧓緊身傍嘅樹幹繼續往上前進。終於一步一步攀爬到第一個景點,到達時嘅喜悅真的難以形容!

[一山還有一山高] 絕不要輕易放棄 4
由高處望下去的景像實在太美,整個人都放鬆了
當然,開始初時都係最開心,稍作休息後又再繼續下一個景點了

沿著山路由一個山行到另一個山,天色又再起變化了,陰雲滿佈,是要下雨?還是行雷閃電?此刻只知道路還要繼續走下去

眼睛望著近乎90度垂直嘅山路,腳掌都不知應放在那一塊石塊時,只知道此刻必須手腳並用,石頭、樹枝就係我的朋友,我要緊緊抓住它!

[一山還有一山高] 絕不要輕易放棄 5
一直往上爬,千萬不要分心或者向後望
之後嘅路不再只係㧓緊石頭、樹枝了,我們開始穿越樹林.……身邊嘅樹、草都高過我,路亦只可以一個人行,我完全被「包圍」了,亦已看不見我的隊友,只憑聲音知道他們在我前面,從未試過同樹林如此親近,一路行雙手就要不停撥開高高嘅草、長長嘅樹枝,避免臉部及身體受傷!

[一山還有一山高] 絕不要輕易放棄 6
開始進入草叢,心只想不要有蛇呀
上到馬鞍山頂時,只見一片迷霧,山下嘅景色完全被遮蔽了…..心中有一點點失望

[一山還有一山高] 絕不要輕易放棄 7

[一山還有一山高] 絕不要輕易放棄 8
迷霧瞬間散去,失而復得嘅喜悅更加珍貴
大自然嘅變化真的很神奇,迷霧瞬間消失又瞬間回來,機會就只有一次,必須要好好把握;山上雖然大霧又有露水,但吸啖空氣都特別舒服

繼續的路好像越來越崎嶇,友人為了安慰、鼓勵我們,不斷告訴最難行的路已過了,不竟那只是安慰的説話,眼見下山嘅路亦不見平坦,每踏出一步都要更小心,「論盡」嘅我加上一對不是行山專用鞋,多次差點跌倒,我開始更小心翼翼,遇上不知要踏那一步時,我已選擇踎低身,手㧓緊兩邊石塊跣下去,當時已一身都係泥亦不再在意了,跌跌碰碰下,終於再攀到最後一個山頂,每次隊友聽到我大叫就問我有無事,我都一定要答:我無事;其實大腿已跌得有點痛,但我仍堅持要起番身,絕不可以輕易放棄

[一山還有一山高] 絕不要輕易放棄 9

[一山還有一山高] 絕不要輕易放棄 10
終於到達今次最高景點-大金鐘山頂
回程沿途中,隊友因突然失足而腳傷,友人即時發揮應變能力,更改路線,希望盡快令大家行一條既快捷又安全嘅路線

[一山還有一山高] 絕不要輕易放棄 11

[一山還有一山高] 絕不要輕易放棄 12
改行昂坪路線到西貢區
今次嘅經歷係難忘、開心,雖然雙手及小腿都被草及樹枝損晒,落斜跣低左兩次,大腿擦傷瘀左一大撻仲好痛,但我都能夠刻服了一條艱辛嘅路線。跌倒並不可怕,最重要係學會起身再起步!

[一山還有一山高] 絕不要輕易放棄 13
傷痕累累亦不要怨天怨地
特別要多謝友人吾介意與一個不熟識行山嘅人同行,完全明白他有多大的壓力!.

更多:
Fitz.hk Facebook專頁
八仙過海踏黃嶺
[每個人心中有座山] 行極都未行完 大刀屻
周末短遊九龍群山 嘉頓山
Fitz Hiking 行山

廣告
Christine。k
一個中女突然愛上跑步,跑齡只有半年,跑步過程遇上不少挫折,幸好意志堅定末有放棄 跑步可以鍛練及挑戰自己,我嘅人生觀、價值觀亦因跑步而改變!