菠蘿山?青山?香港峽谷?有人話其實峽谷位置唔係屬於菠蘿山,我亦冇去認真查清楚,不過大部人都當菠蘿山就係呢個峽谷,而且見到越黎越多人去朝聖,去睇下所謂既香港大峽谷,今日就同大家介紹下。

香港大峽谷
香港大峽谷
見到有人揸車上去
見到有人揸車上去

路線容易行而且所需時間亦都好短,我行過2條唔同路線,其實2條都差唔多,睇自己個人需求。最大眾化既路線就係係屯門良景村基良小學後面沿石屎路上,雖然係普通石屎路但其實都幾斜。

沿住斜路一直上
沿住斜路一直上

行大約30-40分鐘(視乎速度),路況開始變平,就代表已經到良田坳了,向後望會見到青山發射站,再行多10分鐘左右就會見到一個好大既警告牌攔路。

青山入雲
青山入雲
又出返黎
又出返黎
呢條斜路落黎就到菠蘿山
呢條斜路落黎就到菠蘿山
危險警告牌
危險警告牌
如果跌左落去,都幾麻煩
如果跌左落去,都幾麻煩

唔洗一個鐘就到左峽谷位,係香港見到呢種景色都算幾特別。
[每個人心中有座山] 香港大峽谷 菠蘿山 9 [每個人心中有座山] 香港大峽谷 菠蘿山 10 [每個人心中有座山] 香港大峽谷 菠蘿山 11 [每個人心中有座山] 香港大峽谷 菠蘿山 12 [每個人心中有座山] 香港大峽谷 菠蘿山 13 [每個人心中有座山] 香港大峽谷 菠蘿山 14 [每個人心中有座山] 香港大峽谷 菠蘿山 15 [每個人心中有座山] 香港大峽谷 菠蘿山 16影完相繼續向前行,過左石屎路後沿路都係沙石路,慢慢降落,行20分鐘左右已經落到去,會見到一個軍事禁區既牌,之後轉入石屎路向左行。

離開峽谷回望,有另一個警告牌
離開峽谷回望,有另一個警告牌
幾好天
幾好天
右邊係堆填區
右邊係堆填區
沿沙石路落山
沿沙石路落山
都幾跣下,要小心
都幾跣下,要小心
面向呢個牌,向左行
面向呢個牌,向左行

又係大約行20-30分鐘左右,就去到下白泥,撞岩時間可以睇埋日落先走,沿馬路繼續行返出去,去到白泥村村公所有村巴可以搭返出元朗。

會經過農
會經過農
下白泥
下白泥

路線2
至於另一條路線?其實係入到去下白泥,行去軍事禁區牌再行上去,然後沿路落返黎。邊條易行d?我覺得第2條易行d,只係交通唔方便,但起碼可以避左一開始良景去良田坳果段斜路,我上次想去影日落,7點幾先落山,行左5分鐘突然好多野飛上身,成面成身都係飛蟻,即刻跑落山,上到車發現自己成身同個袋都係半死既飛蟻,最後仲唔小心帶左幾隻返屋企添,自此發誓以後唔會再上菠蘿山。

落完山天都黑哂
落完山天都黑哂
第2條路線,搵到呢條柱然後一直沿馬路行入去就得架喇
第2條路線,搵到呢條柱然後一直沿馬路行入去就得架喇

(按:出發前請先評估自身體力、裝備、經驗及天氣。)

Ko Facebook專頁

更多:
Fitz.hk Facebook專頁
[每個人心中有座山] 行極都未行完 大刀屻
[每個人心中有座山] 香港之巔大帽山
[行完食餐好] 5大海鮮團行山路線
[全港郊遊渡輪班次] 行山郊遊唔少得 (下)
Fitz Hiking 行山

Advertisements