黃龍五澗中,北龍最少人到訪。因為此澗平坦無乜大瀑大潭而且水少,但被前輩列為黃龍五澗之一原因係水質可以講得上全港最靚(大雨過後)同埋尾段天書壁既氣勢。

入澗位係赤蠟角新村向黃龍坑方向行,見到地下引水道口就轉左,沿小路落黃龍石澗橫過黃龍石澗個水閘就會見到北龍石澗個水閘了。

理論上行北龍石澗係唔洗濕腳既,但為睇睇佢為特色,我地揀左連日大雨之後去。


北龍石澗 1

此澗有8成以上都係被樹陰覆蓋所以唔洗指望有開揚位影下景,但間中都有小潭小瀑
北龍石澗 2如果唔係連續幾日大雨,唔洗指望有水玩
北龍石澗 3行左好耐終於有個似樣D既潭
北龍石澗 4間中有少量攀爬位,難度大約係雙鹿石澗既中游及後段既級數,不難應付。
北龍石澗 5

到左北龍一個靚潭了!
北龍石澗 6呢個潭瀑表面無乜特別,但如果留心游既話就可以睇到佢最靚既水質。清成咁差D以為條魚懸浮係半空游水。
北龍石澗 13呢個潭仲夠曬深…應該有5米以上
北龍石澗 14玩完水要繼續上路了!難聽D咁講成條澗最開揚呢道架!
北龍石澗 7咁高望落去都見到水底
北龍石澗 8過埋呢個潭就無潭好浸了
北龍石澗 9其實唔一定要攀瀑上架
北龍石澗 10之後既路況都無咩特別好影了,所以轉眼間已到左北龍最後景點「天書壁」。

兩崖相接睇黎就好似一本打開左既書咁,中間既石紋節理就為大自然寫下無文之章。

特別註明唔係連日天雨天書壁係唔會有水。
北龍石澗 11天書壁左邊有小路出澗,出澗後可以大東/去白茫/落東涌。由於要返工既關係,所以揀左沿婆髻山山腰落番東涌。
北龍石澗 12

更多:
Fitz.hk Facebook專頁
[三大石林之首] 石壟仔石林
石壟仔坑遊記
驚逝@Fitz.hk
Fitz Hiking 行山

廣告
驚逝
十幾年前諗住跑步黎強身健體,後來識左位朋友約我去行山,我心諗咁悶咪搞我,但嗰位朋友搞行嗰D好有趣好刺激既,所以我應承了去行山。太平山嗰D唔好計,第一次叫做認真地行山係去悟桐寨上大帽山第二次已是彌散石澗了,自此開始對行山感興趣。到依家興趣包括行山、行澗、綑邊...間中會參加下比賽。於2005年TC36得到青少年組季軍,2008年得到山頭霸王公開組季軍。