地球好很危險,特別係呢個世界有啲咁嘅人,大家行行下山,死咗都唔知唔乜事! 呢5個行為,有啲會害死人,有啲會麻煩到人,總之絕對係惡行,人人得而誅之!

1. 草叢玩煙火

  • 惡行:風高物燥,喺芒草草叢玩煙火
  • 可能後果:成座山燒晒,隨時令其他行山人士一鑊熟!
  • 一鑊熟指數:★★★★★★★★★★★★

2. 爬屋頂

大學生爬上鳳凰山山頂避風亭,如果下面有人,間屋冧咗,後果不敢想像 (圖片由 The Hiking Supplements 山野拾遺 授權轉載)
  • 惡行:爬上大東山爛頭營嘅石屋屋頂,已經講到口臭,呢次講嘅係鳳凰山山頂嘅避風亭。
  • 可能後果:如果喺亭入面有人,個頂冧咗,係咪要搵人墊你屍底?
  • 一鑊熟指數:★★★★★★


3. 餵馬騮

好多馬騮見到停定嘅車輛就會衝上前。 (圖: 小心駕駛(討論別人駕駛態度) 群組)
  • 惡行:發揮「大愛」精神,「愛護」動物,親手將食物餵畀山上嘅野生馬騮
  • 後果:唔少馬騮見人就追,部份更會強搶遊客食物,馬騮變得越嚟越惡,受害就係人類
  • 一鑊熟指數:★★★★

4. 亂拋垃圾

圖: 綠惜地球 Facebook
  • 行為:講到口臭,都唔使點講,睇圖啦。
  • 後果:山頭變垃圾場,大家仲邊有山行?
  • 一鑊熟指數:★★★★

5. 摸蜆摸海星


  • 惡行:落石灘、泥石灘,摸蜆、執海星 (應該是郊野,不是行山活動吧)
  • 後果:蜆等貝殼類生物,可淨化海水,笠亂將佢哋捕捉,除咗不尊重生命,更係破壞海洋生態!
  • 一鑊熟指數:★★★★


更多:
Fitz Facebook專頁
[行山路線] 香港古道大全 (共8條)
[行山路線] 短途精華遊 奇異海岸篇 (曝罟灣 鳳坑 下白泥 玉桂山 大潭篤水塘)
Fitz Hiking 行山

Advertisements
分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。