[上海半馬賽] 警察做完Pacer去捉賊 2
呢班公安就係上海半馬賽嘅pacer,中間戴黑超嗰位就係捉賊嘅王磊。
上星期日 (4月17日)上海舉辦國際半馬賽,同大多數強國嘅比賽一樣,呢啲國際盛事總係要動員到官方機關。呢次,佢哋就搵咗上海公安,負責做領跑員pacer。

其中,有位叫王磊嘅民警,就負責領跑2小時15分嘅一組。佢準時完成之後,喺返屋企坐地鐵嘅途中,撞到有賊人偷嘢,就順手捉埋個賊返警局。

咁點?報道就係咁多咯。咁呢位其實係咪笨賊,喺眾目睽睽之下偷嘢,王磊追都唔使追就將賊仔束手就縛呢?定係要追個賊九條街呢?咁就真係唔知。

不過如果王磊兄真係準時喺2小時15分跑完個半跑,其實體能都唔差,一定好過好多孭住條大車呔嘅香港慈母囉。

王磊(紅衫)一到捉賊,就即刻有記者影到相,確實相當有效率。
王磊(紅衫)一到捉賊,就即刻有記者影到相,確實相當有效率。
上海半馬賽都係國際級盛事。
上海半馬賽都係國際級盛事。

不過話時話,用民警嚟做pacer,係咪有少少浪費公帑呢?定係強國比賽不時有罪案發生?點都好,終點唔好派番梘就得嘞!


更多:
Fitz.hk Facebook專頁
7個美國最快爆滿比賽 淥個杯麵都趕唔切
[碟煞係最強兵器? ] 車手重傷 公路車全面禁用
Fitz Running 跑步

Advertisements
分享
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。