竹內涼真 (左) 《陸王》劇照

呢頭 CCTVB 播嘅《陸王》大結局,嗰頭有份贊助名古屋馬拉松嘅化妝品品牌Menard宣佈,會喺比賽前夕嘅Expo,搵嚟喺《陸王》男主角,當選「日本2017年度爆紅男星」嘅竹內涼真,擔任主講嘉賓。

竹內喺劇入面,飾演嘅長跑選手茂木裕人受到唔少跑友追捧,不過佢其實唔係長跑出身。佢學生時代係足球隊成員,對於長跑嘅認識,就係由拍《陸王》開始。

好彩,《陸王》嘅製作單位,喺拍攝期間搵咗連續四屆贏得箱根驛傳冠軍,青山學院大學嘅監督,為劇裏面嘅主要角色,進行跑步訓練。而據講,竹內因為踢過下足球,對於長跑訓練好快上手,表現亦唔錯。雖然係咁,竹內就因為劇裏面有太多跑步鏡頭,又或者劇裏面嗰對「陸王」唔係太啱著,竹內試過腳部生滿水泡,搞到要停止拍攝工作。

有人就問,一位唔算係長跑跑手嘅演員,去到馬拉松 Expo 嘅演講會,可以同參賽選手分享啲咩呢? 主辦單位暫時未有透露詳細。不過以竹內咁嘅人氣,咁嘅面孔,對於參加名馬嘅女選手就一定好吸引!

今年成功參加名馬嘅女跑手,就快啲去下面條Link登記 (登記網頁只有日文):


https://www.menard.co.jp/run/

資料來源:名古屋ウィメンズマラソン(Nagoya Women’s Marathon)


更多:
Fitz Facebook專頁
[名古屋女子馬拉松] 我不需要Tiffany
[獨一無二的名古屋女子馬] 前奏
[肥妹名古屋馬拉松追夢之旅] 夢想於漆黑裡仍然鏗鏘 (第1-2回)
Fitz Running 跑步

Advertisements
分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。