長久以來,跑步用邊部份著地,都係跑友之間爭議不斷嘅問題:前掌落? 腳踭落? 情況一如「阿媽同老婆跌落海」嘅問題一樣,好似點講都唔會有圓滿嘅答案。

最近,終於有科學研究去針對呢個問題,而且呢項仲係真真正正係本土研究!

香港理工大學搵咗320位跑齡不足兩年嘅市民,展開長達1年嘅研究。研究團隊將佢哋分為兩組,第一組 (跑姿組)  喺為期兩周共八堂裏面,學習輕腳步及中前掌落地嘅跑姿。另一組 (對照組) 乜都唔教,組員用番自己嘅方法。

研究發現:

  1. 「跑姿組」腳部所受衝擊,較「對照組」明顯為輕。更重要嘅係,「對照組」跑手腳部所承受的衝擊,會日益加深。
  2. 在訓練後一年,研究團隊評估各人的受傷情況。「跑姿組」有16%曾經受傷,「對照組」有38%有受傷情況。統計學上顯示,輕步跑者與對照組相比,受傷機會降低了62%。
  3. 兩組報告的受傷類型亦有所不同。「跑姿組」之中,有10宗小腿跟腱炎和小腿拉傷,但「對照組」則有23宗足底筋膜炎及18宗膝關節疼痛。

不正確及較理想跑姿介紹

負責研究嘅理大康復治療科學系副教授張子熙博士話:

「要降低跑步嘅受傷情況,應該以全掌著地(又稱中掌著地)、縮短步幅或增加步頻,以及稍微傾前身體。」

跑步受傷? 唔使玩 tape,唔好玩衝擊波住,檢視下自己跑姿先啦!

資料來源:香港理工大學康復治療科學系

Fitz 文章連結: https://fitz.hk/?p=89426


更多:
Fitz Facebook專頁
[科學研究] 長跑對關節有益!?
[馬拉松研究] 長跑高峰及衰落期係幾歲?
Fitz 跑步 Running

廣告
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz都會全力搜羅,同時鼓勵「郁民」齊齊參與,打造一個開放嘅運動生活資訊平台。