習大大要搞「一帶一路」,非洲多國亦喺版圖之內,呢啲國家包括:肯亞、蘇丹、布基纳法索、埃及,以及埃塞俄比亞。中國同非洲多國關係良好,而一帶一路,竟然催生咗非洲人喺中國長跑比賽嘅「經濟鏈」!

頂尖跑手

唔少中國內地嘅長跑賽事,都希望可以提升賽事排名。而根據國際田聯 IAAF 嘅規定,要將比賽提升至金、銀、銅級別,就必須符合要求。當中,有兩項涉及要邀請這些非洲「朋友」:

  1. 比賽需要邀請男女子各5名,來自5個不同國家的選手;
  2. 選手的最佳時間,必須達到2小時10分 (男子),及2小時28分 (女子);或
  3. 在奧運會或世錦賽,排名20名以內的選手。

當中國公司替肯亞興建鐵路,替埃塞俄比亞興建港口,雙方關係咁好,要邀請跑手到中國比賽絕對唔係難事。而中國比賽獎金豐厚,跑手亦樂意到中國搵真銀。

據內地傳媒統計,國內比賽平均冠軍獎金為4萬美金,季軍都有1萬。此外,仲有出場費、廣告贊助等。


於是,呢幾年中國嘅長跑比賽,頒獎台就差唔多清一色係黑人選手。不過,山西亦曾經有主辦單位因為拖欠出場費,有非洲選手在賽後丟掉獎金抗議!

圖: 新華網

學生跑手

中非關係良好,到中國嘅非洲留學生大增。呢啲學生,雖然唔算係專業級跑手,不過去到一啲小型賽事,仍可以橫掃獎項。

喺沈陽一間大學讀四年級嘅肯亞學生弗雷德,呢四年就去過全國21個省、80個城市比賽,一共跑咗超過100場賽事。佢對內地傳媒話:

「旺市嘅時候,我每個月有成2萬人仔收入。呢幾年賺到嘅錢,已經夠我喺鄉下起大屋,仲可以打本畀阿媽做生意!」

到中國的非洲留學生,會經常參加國內各地比賽,賺取獎金。

不是跑手

唔係個個非洲人都識跑步,不過咁好搵,佢哋都搵方法投身長跑「行業」。

當唔少國內比賽,都希望邀請到高質跑手提升賽事質素,咁唔識跑步嘅非洲學生就索性做中間人,拉籠非洲跑手到中國比賽。借錢就唔好俾錢中介啫,搞比賽要非洲人落場,無network就梗係要靠中介人啦! 不過,就算你有錢都未必有用,因為而家啲經理人係話:非洲兄弟明顯不夠用!

一帶一路要中國強大,而家似乎,係呢班非洲人先富起來。

資料來源:騰訊體育


更多:
Fitz Facebook專頁
Ed Caesar: 在肯亞,我學會想快先要慢 (下篇)
Ed Caesar: 在肯亞,我學會想快先要慢 (中篇)
Ed Caesar: 在肯亞,我學會想快先要慢 (上篇)
Fitz Running 跑步

廣告
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz都會全力搜羅,同時鼓勵「郁民」齊齊參與,打造一個開放嘅運動生活資訊平台。