圖: 政府新聞處

九龍街馬數數手指,原來都搞左5年,雖然今年唔滿額 (得13,000人報),32.195又冇左, sponsor都換埋 (AXA > 中人壽),上網包膠又冇乜 (衰衰地都唔係細賽事),見得最多提街馬既 keyword 係衛生署 (曲線宣傳?) 。

年年比人鬧搞得差,仲話一年差過一年,今年小弟親自用腳第一次落場玩 (我係玩半馬挑戰一組既),又開心share下,睇下大家覺得下年值唔值用腳支持下。

賽前篇

  • 如果坐30蚊 shuttle bus 既,會勁早到 (跑0735但唔夠6點已經落左車),我住香港島既,仲早過渣馬。而且附近係冇廁所,差d要市區露出!! 麗晶花園商場仲要0630先開,當日係太多跑手要借廁所,先通融早啲開門。
  • 好多人都話今年行李耐,係真既。我都要排足20分鐘先見到行李車。一者係有警犬要索K (應該同郵輪碼頭係禁區有關) ,另外係職員效率麻麻,唔似渣馬咁分哂車號,街馬staff比較亂,行李仲要係就咁求其掉上車就算。
  • 起跑點十分奇怪,係呢個上橋位
(圖: google map)

開跑前已經要行一段路 (啓業行上橋) 。開跑時仲要落到近橋底先U番上橋面,未開跑先要踩大段斜路,嗚呀~~~

  • 今年個主持係勁 noisy,套音響仲要時有聲時冇聲,唔怪得比人投訴。
  • 有人話半馬精英組仲要早左5分鐘,難怪等緊行李時,未夠鐘已經見到有人開跑緊。

賽事篇

  • 所謂食既,其實真係一口爽,叉燒飯係得20粒米,一口鮑魚係手指甲咁大。
圖片由作者提供
  • 不過真係好有誠意,燒賣有蝦叔蝦嬸即蒸,叉燒飯係即刻剪叉燒 (未去到即刻燒) 。而且水站夠氣氛,啲義工好精神,仲有打band睇,中途仲有d老人家同後生仔打下氣 (當然又配合番ROC既社企title),唔似渣打咁比較死氣沉沉
  • 如果計路線,中段係超眼訓既,因為係觀塘繞道行一圈,再落橋底走一圈 (即係觀塘海濱公園對開),先叫走左10K多啲,然後先出九展。不過橋底既打氣真心好提神係真既
  • 路況真係好爛,後10K準備上橋去九展,去到東九龍走廊一直返到啓德,啲碎石多到去左海灘咁,而且地面有d好爛,有時仲要連續幾個坑咁出現
  • (舊)機場隧道雖然舊又殘,但唔算好臭,又唔算好焗。如果要比既話,混合左搽腳既<印度神油>和死氣連天既長青隧道係最惡劣既
  • 部份賽道真係好窄,有一半路程都係單線,仲要有唔少師兄鬆人幾下,結果係好難好難過頭 (同埋d師兄過人還過人,有品d得唔得?)
  • ROC 搞既賽事,好係圖騰跑同街馬咁,都比人負皮,話好似去左沙漠咁冇水飲。跑之前小弟都驚冇水飲,特登查下有水買既油站係邊度。今年終於學精左,搵左 Watsons 贊助,個個站都好多水飲,不過sport drink 竟然係寶礦力,又唔係用番 (有人話) 好似屎咁難飲既 Watsons Water 喎
  • 過左10K左右已經冇廁所,之後一係就去油站爆,一係就揭開個坑渠自我了斷,肚痛點算? (唔知點解新山道唔放幾個)

花絮篇

  • 報名同拎行李安排幾好,又無紙化,比賽指南都係自己download,田總幾時學下? (不過書仔係冇寫洗手間指南,亦都冇高度圖,宜改善)
  • 今年既街馬 T-shirt 勁核突,核突到只有一半跑手係有著既。結果見到好多呢件衫出沒 (同埋今年件RUN852衫)
(from Nike fb)

似乎田總搞渣馬,最醒係搵番剔牌,走到街馬都仲宣傳緊

  • 拎行李都幾暢順,冇早幾年咁有人話好混亂。不過今年街馬冇整行李袋,係就係環保,但大家又想保護行李,咁點算? 結果渣馬 logo 垃圾袋又出場
圖片來源   (此為前幾年渣馬寄存行李情況)

起碼有1/3人既行李都係咁笠住! 拎行李時一地都係呢個樣,helper問行李係咩樣時,個個都話X色渣馬袋。


渣馬又上位! (所以起碼屋企要一袋傍身,切記)

  • 藍色廁所亦係好恐怖,上線前去過一個,Megabox 對面都去過一個,都係臭到早餐都出埋黎。
  • 個所謂嘉年華好雞,好似渣馬個拎選手包日咁,但點解仲話要入場票,同收50蚊?
  • 個獎牌真心唔多靚,支叉同匙可唔可以拆出黎用? 同埋刻名要40大元。(對比下真係渣馬既係靚d,當然要拎到就真係有血有淚啦)
圖片由作者提供

結論

如果要做 PB,街馬真心唔好有咩期望,路況實在唔好 (係唔知點解自己反而PB左)。路線就真係一般,有夾硬跑夠里數既感覺,尤其係出左機隧後,要上一上啓祥道天橋轉1km圈,明顯係砌數。但無奈只有咁樣行 (上年雄心壯志話想有全馬都搞唔成) ,又要配合番 ROC 喺九龍東發跡。不過如果腳痕,又想儲下牌,又唔想淨係跑科學園,近近地市區賽,街馬係幾好既。須知真係唔多跑步賽係香港九龍搞,而且10K都有牌仔。

如果視 Fun Run 計,街馬係玩得過嘅,真心感受到種「人味」同誠意。今年「食玩跑」做主題係合格嘅,對比下少左田總搞渣馬既「官僚」同冷淡係真嘅 (當然A級賽又有唔同) 。當然,整個賽事安排仲感覺係有少少「雞」既,細節位會睇到。不過只係搞左幾年,大家仲想點?

仲有,搞到咁大,幾時拎番個 IAAF AIMS?


文章連結:https://fitz.hk/?p=88785

更多:
Fitz Facebook專頁
[Translantau 100] 66.5%完賽率 睡眠質素是關鍵
當完成一場馬拉松 不算是什麼一回事時
Fitz Running 跑步

Advertisements