阿仙奴慈善跑一個地區小型賽事,不設有名次,以完成賽事為目標,全長大約6k左右。

完成後有完賽紀念牌。

所以我將此賽事,當作Tempo Run練習。
放喺呢日,以免一星期跑兩課Tempo Run

而自己近來Tempo Run都只是5k為主,之前試過一次6k但最尾1k有捱嘅感覺,所以往後都以Tempo Run 5K為主,今次賽事6K,希望可以順利突破Tempo Run練習嘅距離。

賽事大概60人參賽,我一早上線(頭位)起跑時我同叧一位跑友彈出,我第二位,距離他大約10個身位左右

從未諗過/試過,自己會係領先集團位置,真係會怯,但馬上集中精神於比賽上,按照自己配速跑,第一位選手試過幾次墜後同我平排,但我仍然按自己步速跑,沒有過佢頭。

頭兩K保持4’30速,剛過完第二K時,後面有另一選手跑我後面,約22百時過我成為第二位頭,我變作第三位,此情況維持到25百米時出現了變化⋯

第一位選手的跑姿開始散散地,之後急速墜後,我同另一位選手同時過佢,佢好大方說: 「加油呀!」

我拍手兩聲,回他一句:「加油加油!」

之後繼續同第一位上前。

到了35左右,第一位速度急速下降,我仍然跑著4’30左右的速度,過了他。

我由35百米開始成為了第一位!

前方沒有人的感覺係點?

一個人獨自跑,仿如自己每天清晨練跑一樣,但後方傳來的腳步聲,將我從幻想練習中拉回現實,由於沒有名次之爭,我仍然按著4′30速跑,到了最後300M,我提高速度,加快步伐,衝過終點!

終點並没有衝線帶,但我仍然高舉雙手,緊扼拳頭大叫:「Yes!!!」

時間:26’48
距離:6k
平均速度:4’28
平均心率:168

過了不久,第二位也衝線了,我同佢望一望,我伸手同佢握手,大家互相恭喜。

我話,如果無你頭兩k帶一帶我,我諗我跑唔出呢個時間,希望下次有機會約跑,佢笑笑話:
我見頭兩k4’30速,驚尾段頂唔到,所以收慢腳。

好激動!


賽前完全無諗過會有呢個結果,或者對於其他師兄師姐嚟講,這個時間、這個成績、這種賽事,不值一提。

但,對於一名跑步初手(一年生)嚟講,是十分十分鼓舞!

這一刻,我仿似得到最佳新人奬一樣,想多謝的人好多

最後,特別感謝我跑步上的師父,一直為我度身定做訓練課程,又幫我微調強度。

感謝再感謝

來源:722的跑步日誌

更多:
我的馬拉松 — 記大阪初馬
722其他文章
Fitz跑步文章

分享
722
跑步除咗健康,訓練、比拼之外,應該仲會有類似心靈雞湯之類嘅感受,將正面訊息傳遞開去。我以722為終身號碼,參與各大小賽事(722 — 7代表妻子,22代表兩名兒子)。